Huling Tula Para Sayo

Bato ako nung una tayong magkita,
Walang pake sa lahat ng daing mo't salita.

Ilang buwan ako ay nawala,
Ngunit ngayon nagbalik bigla.
Hindi ka naman yata natutuwa,
Nanlamig ka nalang bigla.

Isang umaga ginusto kitang makita,
Gumawa ng paraan para masilayan ang yong mukha.
Sa konting oras ako'y naghanda,
Sinwerte naman ako pumabor ang tadhana.

At yon nakita kita,
Iba na ang guhit ng yong mukha.
Nawala na ang ngiti mong masaya,
Na para bang ang makita ako ay isang penetensya.

Ikaw ay bumalik sayong sasakyan,
Pagtingin sayo'y di tinigilan.
Dun ko napagtanto ang bigat,
Kirot sa puso na parang bang tinanggalan ng ugat.

Ang umagang akala ko ay swerte,
Pinag-isipan ko buong gabi.
Wag na nating pahirapan ang ating sarili,
Mas pipiliin kong maging masaya ka kahit di katabi.

Nakakalungkot umabot sa dulo,
Lalo na pag tahimik lahat ng tao.
Masyado man akong drama kung minsan,
Wag kang mag-alala sakin matigas ako. 

Handa kitang ipaglaban,
Pero kung yan ang nagpapabigat sa loob mo ay wag nalang.
Mas pipiliin kong tawagin quitter at duwag,
Kaysa makita kang nakasimangot magdamag.

Sana makita mo sa kanya ang wala sakin,
Ang tuluyan kang sumaya aking dalangin.
Sa simula palang ako'y nanalo na,
Pagtanggap mo sa paghingi ko ng tawad,
Lubos na sakin nagpapasaya.

Ang nakaraang lingo ko ay napakasaya,
Di ko inakalang ako ay sumobra.
May mga bagay akong kaylangan tanggapin.
At isa na dun na hindi ako ang yong iibigin.

Wag kang mag-alala,
Pagkakaibigin natin hindi mawawala.
At kung sakaling tayo sa daan ay magkita muli,
Ibibigay ko parin sayo matamis kong ngiti.