Makata

Di na kami gumagamit ng mga ballpen at tinta,
Gamit namin ay digital na, Kami ang bagong henerasyon ng makata.
Ngunit ang gawa nami'y nakaugnay parin sa nakaraan,
Bawat letra na sinusulat binubuo gamit ang kasaysayan.

Mga bagay na amin ng nakagawian,
Minsan nangaling mismo sa aming kaurian.
Na ang iba'y ginagawang kanta,
Ginagawang liriko ang bawat salita.

Kami ay nabigyan ng prebelihiyong makapag pahayag,
Gamit ang social media at mga blog.
Kami ay pinagpala,
Di na kami huhulihin ng mga banyaga.

May kahulugan bawat salita,
Minsan masaya, minsan hindi nakakatuwa.

Ang lahat ng ito ay utang namin sa mga bayani,
Naglakas ng loob para tayo ay mabigyan karapatang pumili.
At ang resulta ay ang binhi,
Umusbong at lalago, kapalit ng buhay nila ginamit na pambili.

Kami ay mga makabagong makata,
Gumagawa ng kwento, kanta, rap, at salaysay na tula.
Ngunit hindi malilimutan kung saan sila nagsimula,
At bubuksan ang isipan sa makabagong tema.

Ibubuhos ang emahinasyon sa bawat letra,
Naway magsilbing binhi para sa iba,
At ng sila'y makakabuo ng bagong ideya,
At masisilang ang mga makabagong makata.